उपेन्द्रको एकताको सर्त यस्तो रै’छ, उनकै पार्टी भाँडभैलो भै’छ

संविधानसभा निर्वाचनमा अनेपेक्षित पराजय भोगेका तराई मधेस केन्द्रित राजनीतिक दल मध्य प्रमुख तीन दल बिच पार्टी एकीकरणको प्रयास भइरहेको छ । संविधानसभामा प्रतिनिधित्व गर्ने महन्थ ठाकुर नेतृत्वको तराई मधेस लोकतान्त्रिक पार्टी, उपेन्द्र यादव नेतृत्वको मधेसी जनअधिकार फोरम नेपाल र राजेन्द्र महत्तो नेतृत्वको सदभावना पार्टी बिच पार्टी एकीकरणको  प्रयास चार महिना देखी जारी छ । यद्धपी, त्यसले अझै मुर्त रुप लिन सकेको अवस्था छैन ।
मुख्यतः उपेन्द्र यादवका कारण नै पार्टी एकता हुन ढिलाई भइरहेको खबर आइरहेको बेला गएको मंगलवार भने अध्यक्ष यादवले पार्टी एकताका लागि ६ बुदेँ प्रारम्भिक मस्यौदा तीन दल सामु पेश गरेका छन् । त्यस मस्यौदामा गएको मंगलवार प्रारम्भिक छलफल भइसकेको छ र बुधवार तीनै पार्टीले आ–आफनो पार्टी भित्र राजधानीमा उपलब्ध केन्द्रीय सदस्यहरुसँग छलफल गरी आज बिहिवार तीन बजे पुनः बैठक बस्ने योजना छ ।

यादवले पेश गरेको र आन्तरिक छलफलमा मात्रै सिमित गर्ने भनिएको सोही दस्तावेज प्रकाश उज्यालोको हातमा परेको छ । आफ्नै पार्टी भित्रवाट तमलोपा र सदभावनासँग पार्टी बिजयकुमार गच्छदार नेतृत्वको मधेसी जनअधिकार फोरम, नेपालसँग पार्टी एकता गर्नु पर्ने आवाज उठिरहेको बेला यादवले पेश गरेको दस्तावेजमा पहिलो पटक जातीय राज्यको पक्षमा उभिने जस्ता बुदाँ उल्लेख छन् । सो दस्तावेज पेश भए लगत्तै हिजो बालकुमारीस्थित पार्टी केन्द्रीय कार्यालयमा यादवलाई अन्य नेता, जो गच्छदारसँग जोडिनु पर्ने मान्यता राख्छन, तीनले आपत्ति जनाए । अध्यक्ष ठाकुर र महत्तोसँग जोडिनु पर्ने मन गर्ने तर उनकै नेता कार्यकता भने गच्छदारसँग जोडिनु पर्ने भन्दै वालकुमारीमा रस्साकस्सी परिरहेको बेला यो दस्तावेज प्रकाश उज्यालोमार्फत सार्वजनिक हुन गइरहेको छ । दस्तावेज पढनु होस, आफै निर्णय गर्नुहोस भन्ने अधिकार छाडदै प्रस्तुत छ, पार्टी एकताका लागि यादवले पेश गरेको दस्तावेजः