१० विद्यार्थी संगठनले भदौ २७ गते नेपाल बन्द

सर्वसाधारणलाई जीवन धान्न कठिन हुनेगरी आकासिएको मूल्यवृद्धिका विरुद्ध १० वटा विद्यार्थी संगठनहरुले भदौ २७ गते राखेको नेपाल बन्द लगायतका सबै विरोध कार्यक्रमलाई हाम्रो पार्टी समर्थन गर्दछ ।

साथै चाडको मुखमा आएर भएको मूल्यवृद्धि, कृत्रिम अभाव र कालाबजारीको विरुद्ध हाम्रो पार्टीले आयोजना गरेको भदौ २९ गतेको नेपालबन्दलाई सफल पार्नका लागि हामी सबैसँग हार्दिक अनुरोध गर्दछौं । तत्काल महङ्गी नियन्त्रण भएन भने थप सङ्घर्षका कार्यक्रमको घोषणा गर्न चेतावनी समेत दिन चाहन्छौं ।
२८ जनाको ज्यान जानेगरी कालिकोटमा गतराति भएको बस दुर्घटनाले हामीलाई स्तब्ध बनाएको छ । दुर्घटनामा परी निधन भएकाहरुका परिवारलाई तत्काल राहत र घाइतेहरुलाई निःशुल्क उपचार गर्न हामी सरकारसँग माग गर्दछौं । अव्यवस्थित सडकहरुमा सुरक्षाको प्रत्याभूति नहुने गरी यातायात संचालन गर्दा सर्वसाधारण जनताको अकालमा ज्यान गुमिरहेको छ । सडक र यातायातलाई तत्काल व्यवस्थित गर्न सरकारसँग हामी जोडदार माग गर्दछौं । - पम्फा भुसाल, प्रवक्ता, नेकपा-माओवादी