को हो त्यो आङकाजीको ‘गर्दन छिनाउने’, कोही छ त्यसलाई चिनाउने ?

तस्विरः आङकाजीको फेसबुकवाट साभार 

आङकाजी शेर्पा बेला बेलामा चर्चामा आइरहन्छन् । कहिले उनी बाहुन/ क्षेत्रीको जिब्रो थुतेर कुकुरलाई खुवाउने कुरा गर्छन, कहिले उनी प्रमुख दलका नेतालाई सुंगुर भनेर अपमान गर्छन । उनका कुरा सुन्दा लाग्छ, जातीय मुक्ति दिलाउने आङकाजी बाहेक अरु कोही ठुला नेता नेपालमा नै छैनन् । एमालेमा रहेका शेर्पाले संविधानसभा विघटन हुनु केही दिन अघि मात्रै रिर्पोटस क्लबमा बबाल गरे र पत्रकारले पनि । त्यसवाट उनी राष्ट्रिय अन्तराष्ट्रिय रुपमा चर्चामा आए । फेरी दशैंमा नेपाली जन मस्त रहदाँ उनलाई ‘नेपाली आर्य’ भन्ने फेसबुक पेज चलाउनेले उनलाई ज्यान मार्ने धम्की दिएछ, र उनलाई फाँसी चढाइएको तथा गर्दनमा खुकुरी हान्न खोजिएको जस्तो अर्थ लाग्ने तस्बिर पोष्ट गरेछ ।"बिदेशी दलाललाई जलाउन आगो म बाल्छु, अष्टमीमा आङकाजीको गर्दन छिनाल्छु" भन्दै पोष्ट गरिएको तस्विर (तल) मा ‘पशुवली बन्द गरौ, नरबली सुरु गरौं’ आब्हान गरिएको छ ।
नेपाली आर्यले पोष्ट गरेको तस्विरमा आङकाजीलाई सुताइएको छ । दुई हातले भुई टेकेका आङकाजीको अगाडी/पछाडी कालो कपडा लगाएका दुई ब्यक्ति उभिएका छन् । सेतो कपडा लगाउने ब्यक्तिले हातमा खुकरी लिएको छ भने आङकाजीको गर्दन छिनाउने खोजे झै गरेको छ । छेऊमा बली चढाउन देवी माताको प्रतिकको रुपमा खम्बा राखिएको छ ।
आङकाजीको फेसवुक वालमा अर्को तस्विर पनि छ । जहाँ उनलाई एउटा जल्लादले फाँसी दिन खोजिरहेको देखिन्छ । तर, यो तस्विरमा भने आङकाजी कुनै बिचलित भएको देखिदैन, मानौ कुनै चलचित्रको सुटिङ भइरहेको आभास दिन्छ । दुवै तस्विर उनले आफ्नो फेसबुक पेजमा पनि राखेका छन् । 

नेपाली आर्य नामक फेसबुक पेज वालाले ‘ब्राम्हण क्षेत्रीलाई निरन्तर गाली गरिरहने’ शेर्पाको घाँटी छिनाउन लागेको तथा फाँसी दिन लागेको तस्बिर सार्वजनिक गरे पछि उनले सो कुरा पार्टीमा राखे । एमालेले एकल जातीय राज्य अस्विकार गरेको भन्दै एमाले छाडेर अशोक राई नेतृत्वमा संघीय समाजवादी गठन गरी उपमहासचिव भएका शेर्पाको जीउ ज्यानको सुरक्षाको माग गर्दै उनको पार्टीले प्रेस बिज्ञप्ति नै निकाल्यो । उनी सोही पार्टीका तर्फवाट काठमाडौं  क्षेत्र न. ३ मा प्रत्यक्ष तर्फका उम्मेदवार पनि हुन् । आफनो उम्मेदवारको जीउ ज्यानमा खतरा भए पछि स्वभाविक रुपमा सो पार्टीले आपत्ति जनाउँछ नै । महासचिव राजेन्द्र श्रेष्ठले ३० असोजमा प्रेस बिज्ञप्ति निकाल्दै शेर्पाका बारेमा भनेका छन– 

तस्विरः आङकाजीको फेसबुकवाट साभार 

आङ्काजीलाई ज्यान मार्ने धम्की दिएको प्रति पार्टीको गम्भीर ध्यान आकर्षण

मिति २०७०/०६/३०

प्रेस–विज्ञप्ति

हाम्रो पार्टीका स्थायी समिति सदस्य तथा संविधान सभाको दोस्रो निर्वाचनमा काठमाडौँ क्षेत्र नं. ३ का प्रत्यक्षतर्फका उम्मेदवार आङ्काजी शेर्पालाई फेस बुकको दुरुपयोग गर्दै नेपाली आर्य नामक छद्म भेषी तत्वले ज्यान मार्ने धम्की दिएको प्रति हाम्रो पार्टीको गम्भीर ध्यान आकर्षण भएको छ ।

त्यस अवाञ्छित गतिविधिप्रति खेद प्रकट गर्नुको साथै त्यसको विरोध र भत्र्सना गर्दछौँ । साथै यस्तो अवाञ्छित कृयायलाप गर्ने व्यक्ति उपर कडा कानुनी कारवाही गर्न र उम्मेदबारलाई सुरक्षा प्रदान गर्न नेपाल सरकार र सुरक्षा निकायसँग हार्दिक अनुरोध गर्दछौँ ।

एउटा उम्मेदवारको सुरक्षा गर्नु राज्यको दायित्व हो र तपाई हाम्रो पनि । एउटा सभ्य समाजमा, उनका बिचारसँग सहमत नहुनेले पनि उनको सुरक्षाको प्रत्यभुति दिलाउन जोड गर्नु पर्छ । र, ‘ब्राम्हण क्षेत्रीलाई गाली गरे’ भन्दैमा उनलाई फाँसी दिइएको तथा घाँटी छिनाउन लागेको जस्तो अर्थ लाग्ने आपत्तिजनक तस्विर पोष्ट गर्नु हुदैन । यो गलत हो । यो ‘साइबर अपराध’ हो । यो निन्दनीय कार्यको सबैले भत्सर्ना गर्नु पर्छ ।

अर्को कुरा, ‘ब्राम्हण/क्षेत्री’लाई गाली गरेर राजनीति ‘उचाई’ लिन्छु भन्ने सोच र ब्यावहार शेर्पाको ‘राजनीतिक नैतिकता’ भित्र पर्छ । असल नेताले त अरुलाई गाली नगरी आफनो माग र एजेन्डालाई जनता सामु राख्न सक्नु पर्छ । सभ्य समाजमा अन्य जातजातीलाई होच्याउने भन्दा पनि एक अर्काको सम्मान गरेर मात्रै समानता ल्याउन सकिन्छ भन्ने नेताले बिर्सन हुन्न् ।  मेरो बिचारमा त्यो आङकाजीको हकमा पनि लागु हुन्छ ।